Avant 30 onns è Sonja Arpagaus naschida a Cunter. La famiglia Ildefonso era quella giada la suletta famiglia portugaisa en il vitg. Uschia ch’ella e ses frar èn s’integrads spert. Emprendì rumantsch ha Sonja Arpagaus da la dunna che ha guardà dad ella durant che sia mamma era a la lavur. Schebain che l’entira famiglia è s'integrada fitg spert, ha la coiffeusa magari era stuì sentir ils clischés.
Magari scheva insatgi: «Jau hai pers mes egliers, quai han segir ils Portugais engulà!» Ma quai è vegnì avant mo paucas giadas.
Dar vinavant la cultura
Sonja Arpagaus ch’è curt avant la naschientscha da ses emprim uffant, less era dar vinavant la cultura portugaisa a ses uffant. Per exempel la lingua, ma era la moda da viver en il Portugal.
RTR Olà – Da nus para vocês 19:00