Siglir tar il cuntegn

Header

video
Open Air Lumnezia preschenta il nov Line Up
Or da Actualitad video dals 24.03.2022.
abspielen. Laufzeit 2 minutas 17 Sekunden.
cuntegn

Open Air Lumnezia La sien d’enviern è a fin

Per dus onns èn las boxas sin il plaun da Degen restadas ruassaivlas. Questa stad datti dentant puspè festa e musica.

Anc vai insaquants mais enfin ch’ils camiuns e bus da turnea e cun els artistas ed artists sa ferman enta Degen. Suenter dus onns pausa sfurzada è il plaschair dentant grond tar tuts involvids. Sco il 2020 è il festival puspè vendì ora – quai era per il motiv ch’ils bigliets dal 2020 èn quest onn anc ina giada valaivels. Bunamain tuttina sco il 2020 è era il Line Up, i dat be duas excepziuns en il program. Ina midada è ch’il musicist tudestg «Kummer» vegn remplazzà cun la band «Giant Rooks». Pli interessanta è però la secunda midada en il program.

audio
Line Up d'avant dus onns betg caffe fraid
aus Actualitad vom 24.03.2022.
abspielen. Laufzeit 4 minutas 14 Sekunden.

Derniera da las Liricas Analas

Ils rappers rumantschs pendan anc vitiers in ultim concert. Betg ils concerts a Turitg ubain a Cuira èn l'adia per propi, mabain in’ultima runda enta Degen serra il chapitel da la band. La gievgia saira – la saira svizra – ha ses punct culminant cun il concert da las Liricas Analas. Avant tutga la tribuna als Newcomers «The Oskars» (SG), «Crispy Dee» (TG) e «We Are Ava» (SG) che surdattan suenter als matadors locals «Hess and The Spanky Hammers», ils Grischuns dal cor «Dabu Fantastic» e «77 Bombay Street».

In program variant

Venderdi e sonda sa preschentan las artistas ed ils artists sin la tribuna gronda. Sco gia ils ultims onns èn quai blers acts svizzers. Tranter auter era «Mattiu» che ha il 2019 gudagnà la gievgia sin tribuna pitschna ses plaz sin la tribuna gronda. Entaifer quels dus onns è la musica dal chantautur da Trun sa midada. Enstagl d’ina quasi band da famiglia è el ussa sin via cun in stil pli reducì ed experimental e sto uss mussar che quai funcziuna era sin ina tala tribuna.

audio
Uschia tuna il Open Air Lumnezia 2022
aus Actualitad vom 24.03.2022.
abspielen. Laufzeit 4 minutas 15 Sekunden.

Il Line Up curt e cumpact

Avrir la box Serrar la box

Gievgia:

  • The Oskars
  • Crispy Dee
  • We Are Ava
  • Hess & The Spanky Hammers
  • Dabu Fantastic
  • 77 Bombay Street
  • Liricas Analas

Venderdi:

  • Mischgewebe
  • Naomi Lareine
  • Pedestrians
  • Marius Bear
  • Giant Rooks
  • Dropkick Murphys
  • Paul Kalkbrenner

Sonda:

  • Mattiu
  • Mimiks
  • Lola Marsh
  • Bastian Baker
  • Alligatoah
  • Lo & Leduc
  • Biffy Clyro

Sper la «Swissness» metta il comité d’organisaziun era puspè il focus sin in program variant. Cun HipHop (Lo & Leduc, Mimiks, Alligatoah) e Rock (Biffy Clyro, Dropkick Murphys) fin tar pop (Marius Bear, Pedestrians, Lola Marsh, Bastian Baker) e musica electronica e R&B (Mischgewebe, Paul Kalkbrenner e Naomi Lareine) èsi uschia da chattar insatge per in e scadin. Quai che mancà in zic è l’innovaziun ed il ristg d’engaschar in act che n’è anc betg cumprovà, in act cun pizs e chantuns ed in effect da wow. Cler è dentant era gia uss ch’i vegn puspè a dar ina gronda festa sin la quala bleras e blers han spetgà vess dapi il 2019.

video
Lumnezia 2019 - il mega aftermovie
Or da Turnea da festivals dals 28.07.2019.
abspielen. Laufzeit 12 minutas 57 Sekunden.

RTR actualitad 11:00

Artitgels legids il pli savens

Scrollar a sanestra Scrollar a dretga