Siglir tar il cuntegn

Header

audio
Otto Beer è vivì sur onns per la fatschenta da famiglia.
Or da Profil dals 12.03.2022.
laschar ir. Durada: 57 minutas 24 Secundas.
cuntegn

Otto Beer Impressari, chatschader e fan dal ballape

Otto Beer ha manà durant bun 40 onns la fatschenta da bajegiar Beer SA a Rabius, quai ensemen cun ses frar Luis. Ils dus frars han en lur giuvens onns stuì surpigliar la fatschenta da famiglia tut andetg suenter ch'il bab è mort cun mo 58 onns. Gia da lezzas uras aveva la firma Beer radund 80 lavurers, blers da la Jugoslavia. La fatschenta da famiglia, ch'ils dus frars han manà en la 5avla generaziun, surdattan els uss en mauns pli giuvens.

Suenter la mort da mes bab, avain mes frar ed jau gì da surpigliar la fatschenta da bajegiar e lura hai gì num lavurar quasi di e notg.
Autur: Otto Beer

Dapi 40 onns va Otto Beer er a chatscha, quai en la regiun da l'Alp Glivers, ina passiun ch'è restada sur tut quels onns. E betg vegnir a la curta na dastga il ballape. El è in vair fan da ballape, è stà sez giugader tar l'Uniun Sportiva Rabius e dapi quasi 10 onns presidiescha el il CB Trun/Rabius. Otto Beer è maridà, bab da trais uffants e dapi intgins mais per l'emprima giada tat.

Jau sun propi in fanaticher dal ballape ed jau ma viv en enorm per quest sport, quai è adina stà uschia.
Autur: Otto Beer

RTR Profil 09:00

Artitgels legids il pli savens

Scrollar a sanestra Scrollar a dretga