Hans Jakob Riedi fa pastoraziun en l'ospital a Glion. El visita pazientas e pazients en ina situaziun extraordinaria. Sch'el vegn en ina chombra senta el spert sch’insatgi giavischa in discurs ni betg. Ed el reagescha sin ils basegns da pazientas e pazients.
Il pazient po discurrer da l’aura, da sia famiglia, da sia malsogna e forsa er sur da spiritualitad ni sur dal Segner.
Impurtant saja da sentir: tge dovra questa persuna en questa situaziun? Tge che po esser, ch’insatgi na vul betg discurrer en chombra perquai ch’i ha anc auters pazients, autras pazientas. Lura va Hans Jakob Riedi en suler ni en in’autra stanza per far il discurs.
Jau aud magari crassas istorgias.
La pastoraziun en l’ospital vegn er clamada en cas d’urgenza. E cas d’urgenza en la pastoraziun saja fitg individual, di Hans Jakob Riedi. Quai no sto betg esser ina persuna che mora. Quai po er simplamain esser ina persuna che tschertga il discurs. Il pazient, la pazienta definescha tge ch’è in cas d’urgenza.
