Siglir tar il cuntegn

Header

audio
Paulin Nuotclà - tranter il 70avel, puntinadas ed extraterresters
Or da Vita e cretta dals 08.08.2021.
laschar ir. Durada: 57:13 minutas.
cuntegn

Paulin Nuotclà «Aliens? Na na, jau na tem betg che Aliens vegnan per mai»

Il mund da la musica rumantscha fiss in auter senza el. Era l’art da sgrafit e da comics en il Grischun ha el influenzà fitg. Paulin Nuotclà festivescha quest onn ses 70avel anniversari. Ed el ha respundì per nus ad in pau autras dumondas che usità.

Vita e cretta ha inscuntrà l’artist universal engiadinais, nua ch’el stat dapi bunamain 40 onns: sin ina puntanada, creond in sgrafit.

Cun far sgrafits ins ha tuttas libertads artisticas. Ins sa far dissegns da tuttas sorts.
Autur: Paulin Nuotclà artist e chantautur

Per nus è Paulin Nuotclà dentant descendì da la puntanada ed el ha empruvà da chattar respostas sin nossas dumondas filosoficas. Dumondas sco: Datti insanua en l’univers anc auters planets che sumeglian la nossa terra? Dovra l’uman possess? Datti il nausch?

Il nausch ha plitost ragischs culturalas, el n’è betg innat.
Autur: Paulin Nuotclà artist e chantautur

En l’ediziun da stad da Vita e cretta raquinta Paulin Nuotclà dentant era, sco ch’el vegn a festivar ses 70avel e tge ch’el planisescha per ses futur sco artist.

Cura ch'i dat l’occasiun, vegn jau forsa a vender ils duamilli purtrets che jau hai stgaffì e che stattan enturn tar mai a chasa.
Autur: Paulin Nuotclà artist e chantautur
Legenda: Paulin Nuotclà fa er cun prest 70 onns anc lavurs da sgrafit, sco qua sin in plazzal a Savognin. RTR, Olivia Spinatsch

Vita e cretta 08:00

Artitgels legids il pli savens

Scrollar a sanestra Scrollar a dretga