Peder Plaz (50) da Savognin è cussegliader d’interpresa e politica. Sco partenari d’ina firma da consulting a Turitg cusseglia el firmas pitschnas e mesaunas IPM/KMU e sustegna en spezial managers ed interprendiders tar analisas, projects d’investiziun e d'innovaziun. Il turissem en general e spezialmain en las regiuns muntagnardas stattan a cor ad el. Sco manader da fatschenta dal forum d’economia dal Grischun è el collià passa 20 onns cun quel.
Il bab da famiglia ha avant curt er scrit in cudesch sur da l'hotel Piz Mitgel a Savognin. Quai mussa in’autra vart da sia persuna – l’interess per l’istorgia locala ed il scriver. En il Profil raquinta il manager dentant er da la forza da la natira e sco ch'el fa gust ses uffants per il rumantsch cun Asterix ed Obelix.