Pina Augustin (64) è terapeuta da respiraziun. La dretga respiraziun haja ina forza enorma di la terapeuta ch’è creschida si ad Alvaschagn. Cun la dretga respiraziun pon divers aspects da la vita vegnir meglierads. Quant ferm che la respiraziun vegn dentant negligida en il mintga di, quai vesa ella en sia pratica a Cuira. Ina giada ha ella emprendì da scolasta primara, suenter trais onns instrucziun ha ella decidì dad ir ad alp e da bandunar l'instrucziun. Ella ha cumenzà la scolaziun da terapeuta da resipraziun ed ha chattà sia clamada.
Ella è fascinada dal tango e raquinta ch'il tango saja stà en giuvens onns er ina obsessiun. Cun il tango ed il sault saja ella cumplettamain en il preschent e saja en l'atgna balantscha. En la natira chatta Pina Augustin adina puspè er l'energia e la bellezza dal mument - quella fascinaziun saja schon adina stada qua e saja restada.