Tar la chanzun
Chantadurs da Cuira e conturn però era d'utrò èn vegnids en chasa RTR per exercetiar e la finala dar la primaudiziun da la «chanzun dals pleds». Ina chanzun cumponida a posta dal dirigent e cumponist Flavio Bundi e scritta d'ina classa da la Scola chantunala dal Grischun mo ord las propostas per il Pled rumantsch 2016.
Anc il medem di è vegnida dada la primaudiziun da la «chanzun dals pleds». Quai cun in chor ad hoc.
Tschintg idioms en ina melodia
ScolarAs da tut ils tschintg idioms rumantschs èn represchentadas en la classa rumantscha. Mintga idiom survegn ina strofa en la chanzun. Sin quel text ha cumponì il giuven cumponist Flavio Bundi la chanzun.
La chanzun dals pleds - betg mo dad udir, ma er da vesair
La chanzun cumpletta è vegnida preschentada il mardi saira – e quai na betg mo per las ureglias, mabain er per ils egls:
L'emprova da la «Chanzun dals pleds» sut la batgetta dal cumponist Flavio Bundi vegn emessa a partir das las 19:00 live sin rtr.ch. La primaudiziun da la chanzun è alura d’udir curt avant las 20.00 - e quai era live al radio en l'emissiun «Noss chors».
