Il magister secundar da Sent Reto Thanei represchenta ils auditurs ed aspectaturs da RTR en la giuria dal pled Rumantsch. Cun Reto Thanei èn ils 5 commembers da la giuria da 5 differentas regiuns e da 5 differents idioms.
Mia motivaziun è il plaschair dal rumantsch e jau n'ha temp per m’engaschar per la bella lingua.
Enfin ils 10 da december s'ha pudì s'annunziar per far part a la giuria dal pled rumantsch. Il suentermezdi dals 13 da december 2016 tscherna la giuria il Pled rumantsch da l’onn 2016, or da tut ils pleds ch’il public ha annunzià enfin mezdi.
Inoltrar propostas
Propostas pon vegnir inoltradas enfin ils 13 da december 2016 a las 12:30
- cun il formular
- via mail a pledrumantsch@rtr.ch
- sin la pagina www.facebook.com/rtr.ch
- via twitter cun inditgar #rtrpled16
- per posta a RTR - Via da Masans 2, 7000 Cuira
Il di da l’acziun ils 13 da december pon ils auditurs e las aspectaturas da RTR era annunziar lur Pled rumantsch 2016 via il numer da telefon: 081 255 79 00.
Dapli infurmaziun chattais Vus en il dossier dal pled rumantsch.