Siglir tar il cuntegn

Pled rumantsch 2017 «Flutgets» – il pled Rumantsch 2017

Vus e la giuria avais decis,«flutgets» ha gudagnà. Quai pon esser floccas per il «Müesli», ils «Spätzli’s», ubain in nivel tut spezial (Altokumulus) u las scrottas/minas da naiv. Fertant che la giuria ha preferì il pled «toffarias», ha il public votà cleramain per ils «flutgets».

Legende: Video Il pled rumantsch: Quai dian noss collavuraturs abspielen. Laufzeit 1:11 Minuten.
Dals 19.12.2017.

«Il pled rumantsch 2017 'flutgets' è in vegl pled che nus avain emprestà dal tudestg ed integrà fitg bain en noss linguatg. El exista gia daditg ed è in pled fitg productiv. Ins chatta adina puspè novas significaziuns. Plinavant pon ins duvrar il pled en tut las regiuns rumantschas», di la linguista ed ina da las giuroras Anna-Alice Dazzi.

«Flutgets» suonda a «barbagiat» ch’è stà il pled da l’onn 2016.

Da la giuria han fatg part: Anna-Alice Dazzi, linguista RTR, Anita Capaul, manadra Chasa Editura Rumantscha e Gion Nutegn Stgier, schurnalist ANR. Tant la giuria sco era il public han gì ina cumpart da 50% tar l’elecziun dal Pled rumantsch. Igl ha dà passa 650 votings dal public.

En tut èn entradas passa 100 propostas per il pled da l’onn. Il pled «flutgets» è vegnì inoltrà da dunna Margrit Rufer-Cahenzli da Münsingen en il chantun Berna. Ella gudogna in bon da 500 CHF da la SWISS.

Legende: Video Il pled rumantsch 2017 abspielen. Laufzeit 3:47 Minuten.
Or da Telesguard dals 18.12.2017.

RR actualitad 17:00