(sursilvan) Ils vegls denter nus pon forsa aunc ver ell’ureglia las damondas e rispostas dil catechissem. Quei era lur via e destin da s’avischinar en scola alla religiun. Pia, damondas sco: «Pertgei essan nus cheu sin tiara?» ni «Tgeininas ein las pli davosas caussas?»
Jeu hai giu in’autra instrucziun. Numerus raquents biblics ein aunc oz fetg presents tier mei grazia als maletgs che nies augsegner dessignava. Cun agid da quels illustrava el a nus la muntada dils raquents. El veva en quei grau in dun tut special.
Professer Heinrich Vogel che veva ina feglia en sutga da rodas cun in grev impediment era perschuadius che quella vegni lu in gi a saver saltar e cuorer entuorn en tschiel. El veva pleina speronza ch’igl impediment corporal stuessi lu esser vargaus. Quei ha Karl Barth mess fermamein en damonda. El ei sedumandaus sch’ei seigi buc enzatgei terrester da taxar igl impediment dalla feglia sco spira munconza e defect.
Co l’instrucziun semuossa oz el detagl, sai jeu buc. Franc eis ei ina pulita sfida, ed jeu sun perschuadius che biaras e biars fan gronda e preziusa lavur en caussa.
Mo tgei eis ei, sche persunas d’instrucziun e schizun talas cun scolaziun teologica fan l’instrucziun alla veglia? Forsa buc gest cun far emprender ordadora il catechissem, denton cun damondas e rispostas fixas ch’enconuschan strusch in auter patertgar. Gest tgi che ha studegiau cunscienziusamein teologia, duess saver che buca tut ei aschi clar e sempel.
Nossa cardientscha cristiana ei bia pli viva, bia pli gaglia, bia pli aviarta. Jeu less dar per semeglia in schabetg denter dus teologs e professers. Ins sminass che quels stuessen esser dil medem meini, silmeins els puncts centrals dalla cardientscha.
Professer Heinrich Vogel che veva ina feglia en sutga da rodas cun in grev impediment era perschuadius che quella vegni lu in gi a saver saltar e cuorer entuorn en tschiel. El veva pleina speronza ch’igl impediment corporal stuessi lu esser vargaus. Quei ha Karl Barth mess fermamein en damonda. El ei sedumandaus sch’ei seigi buc enzatgei terrester da taxar igl impediment dalla feglia sco spira munconza e defect.
Tgeinin dils dus teologs po ver raschun? Jeu sun buc segirs. Denton vi jeu buc calar da dumandar e tschercar. Jeu crei ch’igl ei bien da zanistrar mintgaton il stil dil catechissem e da tschentar damondas, cu ins crei da ver ina risposta. Pia, encurir damondas che rispundan. Ni buc?