Siglir tar il cuntegn

Header

audio
Pled sin via
Or da Vita e cretta dals 17.03.2022.
laschar ir. Durada: 2 minutas 53 Secundas.
cuntegn

Pled sin via Sin via

Jeu sun buc schi savens da viadi cugl auto. Pil pli mon jeu cun posta e tren. Mo sche jeu sun inaga sin via cugl auto, sche daventel jeu tut in auter – aschia gi silmeins mia dunna. Jeu stoppi lu commentar quasi mintga manever ed acziun dils auters sin via.

Aber la finala eisi propi stentus co certins sefan el traffic. Els vesan mo sesezs. U ch’ei midan vial vi e neu per gudignar in pèr paucas secundas ni ch’els s’avischinan sco schnecs ad ina ampla cotschna per gie buca stuer tener eri. Mo che quellas largiunas ein buca bunas pil traffic, para buca da disturbar els. Basta, cun da quei sai jeu lu sescaldar.

Mo jeu giavischass semplamein dapli respect sin via.
Autur: Andri Casanova Teolog

Pil pli hai jeu categorisau ils stils dad ir cun auto tenor criteris sco il cantun e la vegliadetgna dils manischunzs. Sch’els secuntegnan tenor miu schema, sche eis ei cumprovau, sche buc, lu eis ei in’excepziun e plitost da relativar. Jeu daventel pia veramein tut in auter. Schiglioc sun jeu in ruasseivel e patgific, mo leu el traffic sai jeu spert s’alterar. Tgisà danunder che quei vegn? Ei forsa il motiv che jeu hai fatg igl examen d’ir cun auto ell’Italia? Pia, che las emoziunalitads talianas ein daventadas part da miu temprament d’ir cun auto?

Forsa schon. Mo jeu giavischass semplamein dapli respect sin via. Ell’Italia – oravontut el sid – van ins tut auter cun auto. Ins mira pli fetg in sin l’auter ed in da l’auter. Ins sto far quen cun diltut e sefixescha buc semplamein mo sin tablas e sin sesez.

Ei quei buc era enzatgei che vala per nossa religiun, per nossa cuminonza cristiana? Con stentus eis ei, sche mintgin patratga mo vida sesez? Sche mo paucs demuossan respect in visavi l’auter? Ei disturba mei che persunas dalla pastoraziun ein magari buca capavlas da veser il proxim e vesan mo las tablas e sesez. Igl ei era buca bien che persunas categoriseschan las autras confessiuns ni persunas dall’atgna confessiun, tonpli, sche quei capeta cun nauscha intenziun.

O Dio mio, lein puspei daventar pli patgifics e fraterns.

RTR 08:45 Pled sin via

Artitgels legids il pli savens

Scrollar a sanestra Scrollar a dretga