Siglir tar il cuntegn

Header

audio
Pled sin via da Stephan Bösiger e ChatGPT
Or da Vita e cretta dals 09.04.2023. Maletg: RTR
laschar ir. Durada: 4 minutas 21 Secundas.
cuntegn

Pled sin via «Üna festa da Pasqua benedida»

(vallader) Avant ün pêr eivnas s’haja pudü dudir: i’l internet daja uossa programs chi scrivan svess texts schi’s dà be aint ün pêr chavazzins. Perche stübgiar svess, schi dà programs chi piglian giò la lavur. E scha la lavur es gronda avant Pasqua, perche na provar oura? Uschè n’haja decis da surlaschar il pled dad hoz a l’intelligenza artifiziala e be da til tradüer in rumantsch. Dimena: tadlai la predgia dal program ChatGPT. Scha quist po rimplazzar ün pled elavurà dad üna persuna reala, da güdichar quai surlascha a vus. Da mia part fingià uossa: Buna Pasqua a vus tuots!

Chara raspada

Hoz festagiaina Pasqua, la festa da la resüstanza da Gesu Crist. Pasqua es la festa la plü importanta sül chalender cristian e sta simbolicamaing per la spranza sün üna vita nouva, chi’d es dvantada pussibla grazcha a la resüstanza da Gesu.

Tadlai la predgia dal program ChatGPT!
Autur: Stephan Bösiger Reverenda refurmà

Da quist temp da l’on, cur cha’ls dis vegnan plü lungs e cha la natüra as sdruaglia, ans regordaina cha la vita es ün gir permanent tanter mort e resüstanza. Eir Gesu ha fat quist gir e sia mort vi da la crusch ha segnà la fin da sia vita terrestra. Ma sias scolaras e seis scolars han chattà vöda sia fossa cur ch’els tilla han visità i’l terz di davo sia mort. Gesu d’eira resüstà dals morts e vaiva survint la mort.

La resüstanza da Gesu ans muossa cha la vita nun es finala ne infinita, ma chi da üna dimensiun spirituala superiura. Gesu ans muossa cha la mort nun es la fin, ma chi dà üna resüstanza e cha la vita cuntinuescha in ün oter möd.

La nouva da la spranza e da la cretta es importanta eir per nus hozindi. Nus vain passantà temps difficils in nossa vita cur cha nus ans vain dumandats schi detta üna soluziun. Ma l’istorgia da la resüstanza da Gesu ans tira adimmaint chi dà üna pussibiltà da fuormar nouv nossa vita e cha nus nu dessan dar sü.

Dürant il temp da quaraisma vaina tscherchà da’ns deliberar dad üsanzas veglias e dad impissamaints negativs e nus ans vain focussats sün l’essenzial. Cun Pasqua cumainza il temp dal cumanzamaint nouv, da la renovaziun e dal crescher. Nus pudain ans regordar da la nouva da Pasqua ed ans metter avant, co cha nus resüstain dals morts sco Gesu e nus ans preparain per üna vita da satisfacziun plain algrezcha e furtüna.

La glüm da la resüstanza chi glüscha da quist temp in noss cours, ans po portar tras temps difficils e’ns dar forza per cha nus possan ans concentrar süls aspets positivs da la vita. Nus pudain ans concentrar da fuormar il muond intuorn nus in möd positiv, dad approfundir nossas relaziuns cun oters e da’ns concentrar sün noss böts e sömmis.

Chara raspada, hoz festagiaina Pasqua e nus ans regordain, cha la vita es ün viadi plain algrezcha e sfidas. Grazcha a la nouva da la resüstanza pudaina chattar spranza e forza per ans concentrar sül bön illa vita e pudain mantgnair üna tenuta positiva. Cha la glüm da la resüstanza ans maina tras quist temps dal nouv cumanzamaint e ch’ella ans accumpogna sün nossa via.

Eu Tils giavüsch üna festa da Pasqua benedida.

RTR 08:45 Pled sin via

Artitgels legids il pli savens