Pascal Lampert viva e lavura a Sta. Maria en Val Müstair. El lavuria savens cun performanzas ed installaziuns, ed in punct central saja mintgamai il mument transitoric – scriva il Museum d’art Grischun. Savens lavuria Lampert cun l’aua.
Grazia al premi da l'Uniun grischuna d'art che vegn surdà per la terza giada – po l'artist da 49 onns far ina preschentaziun individuala da sias ovras en il Museum d'art dal Grischun. Quai succeda en il rom da la proxima exposiziun annuala da las artistas e dals artists grischuns. Vitiers edescha il Museum d'art Grischun ina publicaziun davart Pascal Lampert.