Il sepulider Luc Conrad viva a Costa Rica e maina in agen restaurant a la riva da la mar. Per il 70avel anniversari da sia veglia amia Erika Bürgisser turna el en Svizra nua che l’entira famiglia dal Bestatter festiveschan ensemen en in vegl Hotel quest bel di. Lura capita dentant in mortori dubius, e la gruppa entschaiva a retschertgar...
Venderdi, ils 24 da mars ha gì lieu a Cuira en il kino Apollo la prepremiera dal film ed era da la partida eran il reschissur Markus Fischer ed il actur principal Mike Müller. Omadus eran da l’entschatta davent da la partida tar la creaziun da l’istorgia.
Nus avain vulì far insatge nov e betg ina cuntinuaziun da la seria.
Uschia han els gì l’idea da prender las persunas da la seria or da lur conturn usità e metter els, in per onns pli tard che la seria, en in hotel isolà nua ch’els inscuntran sin in nov cas.
Da midar il lieu d’acziun haja dentant era porta cun sai sfidas. Uschia han stuì emprender ils acturs e las acturas che giogan rollas localas en l’istorgia il dialect tudestg grischun. Ina sfida da Mike Müller è stà sia barba che piztgava.
Jau sun stà fitg fortunà cur ch'jau hai dastgà rasar davent la barba suenter la filmada
