Ella ha in interess spezial per uffants che valan sco difficils, per sia instrucziun dovra ella mintgatant er agid da Harry Potter e ses temp liber passenta ella en viadi, sin muntognas cun il velo cun cun raiver. U en in project umanitar a Lesbos – sper il champ da persunas en fugia a Moria.
Alice Caduff, oriunda da Cumbel, è pedagoga curativa en il chantun da Berna. Ella raquinta, tge che èn las schanzas dal homeschooling durant il temp dal coronavirus, pertge ch'ella è dischillusa da la politica europeica e co ch'ella è daventada per cas in star da cursa da skis en il Peru.
Anfang Bildergalerie
Bildergalerie überspringen
-
Bild 1 von 8. Cun il bike è Alice Caduff bler en gir. Bildquelle: MAD, Alice Caduff.
-
Bild 2 von 8. Far sport è per ella essenzial en la vita. Bildquelle: MAD, Alice Caduff.
-
Bild 3 von 8. Era cura che Alice Caduff va a muntogna, na tschertga ella betg adina la ruta la pli simpla. Basta ch'i va a munt... Bildquelle: MAD, Alice Caduff.
-
Bild 4 von 8. ... il pli gugent sitppischem. Sch'ella è vi dal raiver, n'auda ella pli nagut. Concentraziun totala. Bildquelle: MAD, Alice Caduff.
-
Bild 5 von 8. Durant sias trais emnas sco voluntaria tar il project «One happy family», ha ella emprendì d'enconuscher ina pluna glieud ch'è bloccada en in champ en Grezia... Bildquelle: MAD, Alice Caduff.
-
Bild 6 von 8. En il center da «One happy family» han las persunas en fugia chattà in mument paus. Quest onn è quest center ars giu. Raschun: incendiament. Tenor Alice Caduff n'è betg arsa be ina chaa, ma er in'idea. Bildquelle: MAD, Alice Caduff.
-
Bild 7 von 8. Alice Caduff di che sch'ins saja naschì en Lumnezia, sajan ins vegnì sin il mund cun chalzers da naiv vi dals pes. Ed uschia è ir cun skis ina gronda passiun dad ella. Bildquelle: MAD, Alice Caduff.
-
Bild 8 von 8. Cun ses um è ella era en gir sin glatschers cun ils skis. Qua avant paucs mais sin il Wildstrubel. Bildquelle: MAD, Alice Caduff.
Ende der Bildergalerie
Zurück zum Anfang der Bildergalerie.