Gia durant ils onns da scolina haja ella savì ch'ella vul daventar mussadra. Suenter la scola reala haja ella dentant stuì far insaquantas stortas e sforzs per cuntanschar sia finamira. «Jau sun loscha d'avair pudì far da lezzas uras ils trais onns a la scola da dunnas. Il studi che vegnia pretendì oz per daventar mussadra da scolina fetschia tema», di Carin Giger Büchler. Cun la autas pretensiuns dal studi, da studentas e students, perdian ins bleras bunas persunas che fissan adattadas en la pedagogia cun uffants pitschens.
Uffants pitschens dovran ina persuna empatica che mussa las reglas fundamentalas da la convivenza.
Prest 24 onns èn Carin Giger e ses um Manolito ensemen a Mörschwil. Là han els cumprà chasa e fundà lur famiglia. Lur figls Luca e Timo han 21 e 19 onns.
Sia passiun: Star sin il palc
Carin Giger ha grond plaschair cura che ses trais umens sesan tranter il publi, fertant ch'ella è sin il palc sco cabarettista. Passa 10 onns è ella gia da viadi cun Jakob Näf, ses partenari da palc tar il «Duo Grinsmanöver».
Procurar per in surrir e laschar emblidar ils quitads per in mument è nossa missiun.
En il Profil ans raquinta Carin Giger Büchler da ses liom cun la Surselva, da tops e flops sin il palc, ma era pertge che ses egls èn s'emplenids da larmas durant il cortegi dal chantun Grischun a l'Olma l'onn passà.
In’ura cun biografias, destins, istorgias ed experientschas da giuven e vegl ch’han da dir u da raquintar insatge.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.