Ella ha studegià scienzia d'infurmaziun ed ha lavurà durant sis onns en ina posiziun da cader en la biblioteca da la Scola politecnica federala a Turitg. Cun la naschientscha da ses segund uffant è la dunna da 38 onns dentant sa decidida per la famiglia e cunter ina carriera.
Jau vuless esser ina mamma preschenta che dat segirtad e che mussa quant impurtant ch'igl è da sa tegnair ensemen.
Dapi quatter onns viva ella cun sia famiglia puspè en ses vitg nativ, nua ch'era tut ses tschintg fragliuns èn returnads e vivan oz cun lur famiglias. Il sustegn ed il «kitt» entaifer la famiglia saja tar els fitg gronds, era perquai ch'ins haja sco famiglia stuì superar la sperdita da l'atgna mamma en giuvens onns.
Oz è Erica sezza mamma da trais uffants, vice-presidenta da la vischnanca da Trun e lavura dapi dacurt puspè en in pensum pitschen en il Museum Cuort Ligia Grischa a Trun.
