Discurrer davant in public n'è betg s'iactivitad prediletta. Tuttina è ses guaffen il pli impurtant la lingua. Daniel Telli è il «Oberlinguist» da la Lia Rumantscha e quai senza mai n'avair studegià rumantsch. El raquinta dal translatar cun empatia e sia vita plain sport e nordistica.
Leger, legia el pli gugent litteratura inglaisa ubain crimis dal nord. Sco quai che Daniel Telli tira endament mintgatant ina figura or d'in roman svedais («da paucs pleds, profund e melancolic»). Sin la plazza dad unihockey sa transfurma'l en in giugader emoziunal ed intuitiv. El sa regorda da sia carriera da l'uniun a Trin enfin en la squadra naziunala, tge ch'al fa vegnir granata, e pertgè ch'el sez na vala nagut sco trenader.
En discurs cun Anna Serarda Campell raquinta'l, pertge ch'el vess en sasez stuì daventar veterinari, co ch'il sport è stà sia scola per la vita, pertge ch'ina fin d'emna è mo perfecta cun plievgia e daco ch'el ha in'orma svedaisa.