Siglir tar il cuntegn

Header

audio
Marcus Livers – pionier da la radiologia
Or da Profil dals 26.02.2022.
laschar ir. Durada: 56 minutas 55 Secundas.
cuntegn

Profil Marcus Livers – pionier da la radiologia

Durant varga 30 onns ha el lavurà sco expert sin il sectur da la radiologia, è sa fatg in num sco corifea dad analisas cun la tecnologia da la resonanza magnetica ed ha fundà quatter instituts en Svizra.

El è naschì sco terz dad 8 uffants en simplas relaziuns a Trun. Ses dun d'analisar ed interpretar maletgs, si'ambiziun da sa profundar e sa scolar vinavant ed oravant tut ses curaschi d'empruvar novas metodas en l'applicaziun da novas tecnologias en il sectur da la radiologia, han fatg or dad el ina corifea en ses sectur.

In radiolog che guarda be ils maletgs n'è betg in bun radiolog, el sto adina era vesair il pazient.
Autur: Marcus Livers radiololg pensiunà

Uschè intensiv sco el è s'engaschà per la radiologia, uschè intensiv s'occupa el dapi sia pensiun cun il scriver. Trais cudeschs ha el enfin uss scrit davart tematicas sco l'islam ed il cristianissem, il patriarcat e feminissem, la scienza e societad, il cletg e discletg ed anc blers auters temas. El lavuria si uschia dumondas e tematicas ch'interesseschan el. Cun leger e sa profundar en la materia emprendia el uschia mintga di fitg bler. Quai saja in'occupaziun fitg cuntentaivla.

Jau scriv en emprima lingia per far urden en mes chau.
Autur: Marcus Livers autur passiunà

RTR Profil 09:00

Artitgels legids il pli savens

Scrollar a sanestra Scrollar a dretga