Sco mattet ha el lavurà sco gidanter tar ses bab ch'era mastergnant a Rabius. Sco sulet figl hai dentant gì num dad ir a scola e far insatge endretg. Oriundamain leva il Sursilvan studegiar architectura, dentant il pictur artist Aluis Carigiet ha scusseglià ad el dad ir la via artistica. Uschia ha el per casualitad studegià medischina e cunquai ch'el vuleva far insatge manual, saja el sa tschentà tar la cardiologia.
Jau vuleva far insatge, nua che jau poi era mesirar insatge e sco cardiolog poss jau era mesirar quant bain u main bain ch'in cor batta.
En paucs mais va el uss cun 68 onns en pensiun. En il Profil raquinta il bab da dus uffants creschids da sia via professiunala, dal svilup en il sectur da la ritmologia dal cor, dentant era da ses interess per art ed architectura ed era da sia chasa alva a Rabius.