Siglir tar il cuntegn

Header

audio
Profil - Ursin Mirer
Or da Profil dals 09.10.2021.
laschar ir. Durada: 57:03 minutas.
cuntegn

Profil Ursin Mirer – «Jau funcziunesch il meglier en il caos»

Sco giuven e dinamic agent d'immobiglias ha el fatg furora e bia raps ils onns 90 en il Grischun. Ed oz – tge è daventà or dal turbo-agent d'immobiglias d'antruras?

Analisar, sviluppar e vender sajan sias fermezzas, di l'interprendider da Trun che ha fundà gia cun 24 onns sia emprima atgna firma d'immobiglias a Cuira. El era il prototip da l'um da fatschenta ambizius e dinamic che ha adina patratgà à la gronda ed era gughegià insatge – era cun il risico da crudar sin il nas.

Na entschaiva mai da chalar e na chala mai d'entschaiver – è mes motto da viver.
Autur: Ursin Mirer interprendider

Avant 30 onns ha el fatg la midada dal Grischun a Turitg e midà dal sectur d'immobiglias en las pli differentas branschas da l'economia. Iniziar, sviluppar, lantschar ina fatschenta, per alura puspè vender ella – uschia funcziunia el.

Jau sun plitost il tip strategic che quel da l'operativa.
Autur: Ursin Mirer investur ed interprendider

Il project ch'accumpogna el il pli ditg è la «Giesserei Oerlikon» – in'anteriura fabrica ch'el ha midà avant 25 onns en in local da gastronomia ed events. L'auter onn festivescha il Sursilvan ses 60avel anniversari e sch'i va tenor ses plan vegn quel festivà a Havanna. Cuba saja daventà per el sco in segund da chasa, qua vuless el en il futur era passentar dapli temp per sa recrear e natiralmain era per far l'ina u l'autra fatschenta.

RTR Profil 09:00

Artitgels legids il pli savens

Scrollar a sanestra Scrollar a dretga