Siglir tar il cuntegn

Header

audio
Adelina Filli: «Per mai era quest onn er in regal»
Or da Profil dals 17.04.2021.
laschar ir. Durada: 58:01 minutas.
cuntegn

Adelina Filli «Per mai era quest onn era in regal»

Ella saja stada in pau ina revoluzra, di Adelina Filli. Mo tgi che taidla tiers a la dunna da prest 60 onns senta bainprest ch’ella fa anc oz simplamain quai ch’ella vul. Uschia è ella era vegnida tar il cuntrabass ed il jazz.

Ella è musicista da professiun e viva a Rorschach al Lai da Constanza. Ses instrument è il cuntrabass. Ma tgi che patratga ussa vida Ländler e Schottisch è cumplet sin la faussa via. Adelina Filli è ina virtuosa dal jazz.

Adelina Filli en ses atelier a Rorschach.
Legenda: Betg 'mo' cuntrabass – Adelina Filli porscha en ses atelier a Rorschach terapias ed experientschas da musica e tuttas sorts instruments. RTR Adrian Camartin

Gist per musicistas e musicists è l’onn passà stà ina gronda sfida. Bleras occurrenzas èn vegnidas annulladas, curs e workshops n’han pervia da las mesiras da protecziun betg pudì avair lieu. Adelina Filli, ch’è creschida si a Schlarigna, vesa en quai temp dentant era ina schanza. Persunal sco era per l’entira societad.

La Banda d'Adelina - live

En il Profil raquinta ella da sia via crappusa tar sasezza e davart la musica grazia la quala ella po exprimer ses sentiments ed uschia entrar en contact cun blera glieud.

RTR Profil 09:00

Artitgels legids il pli savens

Scrollar a sanestra Scrollar a dretga