Siglir tar il cuntegn

Header

audio
Marianna Manetsch – «Jau vom cun il chau sut bratsch tar il medi»
Or da Profil dals 20.02.2021.
laschar ir. Durada: 57:23 minutas.
cuntegn

Cun stortas tar la matura Marianna Manetsch: «Jau vom cun il chau sut bratsch tar il medi»

Medis da chasa funcziuneschan sco detectivs. Marianna Manetsch vesa sa sezza er sco detectiva sin la tschertga da la malsogna e dal motiv per la malsogna da sias pazientas, da ses pazients.

Jau vom cun il chau sut il bratsch tar il medi.
Autur: Marianna ManetschMedia da chasa

Di Marianna Manetsch ch’è sezza media da chasa. Ina media pragmatica, che surlascha la responsabladad davart lur sanadad tar sias pazientas, ses pazients:

Ti decidas, jau accumpogn tai.
Autur: Marianna ManetschMedia cun atgna pratica a Glion
Purtret da Marianna Manetsch
Legenda: Marianna Manetsch La media da chasa en sia pratica a Glion. RTR / Claudia Cathomen

Marianna Manetsch è creschida si a Mustér. La matura ha ella fatg a moda speziala. Ella ha fiers nà la scola claustrala a Mustér, fatg in emprendissadi commerzial sin banca per suenter far vinavant cun il gimnasi a la scola chantunala a Cuira per daventar media. Ma al gimnasi gievi memia plaun per ella. Perquai ha Marianna Manetsch decidì d’emprender persula per la matura, e quai en in enstagl en trais onns.

Avant che vegnir en Surselva, a Sagogn a star, ha Marianna Manetsch vivì cun sia famiglia a Basilea. Dapi 5 onns ha ella in’atgna pratica sco media da chasa a Glion.

Medis da chasa èn savens Sherlock Holmes.
Autur: Marianna Manetsch

Quels vulan chattar ora pertge ch’i va propi. E quai è er tar Marianna Manetsch mintga di la sfida. Da chattar ora tge ch’è il motiv ch’insatgi stat mal, ch’insatgi è malsaun.

RTR Profil 09:00

Artitgels legids il pli savens

Scrollar a sanestra Scrollar a dretga