Da ses bab ch’è reverenda ha il nov directur da RTR prendì cun sai valurs sco respectar in l’auter, communitgar avertamain, acceptar autras vistas e differentas perspectivas, ma er valurs cristianas.
Ch’il grond sto esser l’interessant è ina malchapientscha.
Savens saja precis il cuntrari.
Pli pitschen ch’ins è e dapli libertads ch’ins ha e dapli pon ins empruvar ora.
Quai di Nicolas Pernet tar il motiv da midar dal concern Ringier tar RTR. 10 onns ha el lavurà tar Ringier en differentas funcziuns, suenter avair studegià a Son Gagl e suenter segiurns a l’University of Michigan e l’École des Hautes Études Commerciales de Paris. Il 2010 ha el promovì a Son Gagl.
Legenda:
Nicolas Pernet
Ha lavurà 10 onns tar Ringier
RTR / Claudia Cathomen
Cun el sco nov directur vegnia per il public fidaivel betg a sa midar bler tar RTR.
Ma per quels che na taidlan RTR hai num: tadlai bain, nus essan pronts, stai attents, nus ans occupain bainprest da Vus.
Sche Nicolas Pernet ha in’idea, lura na po quai betg ir spert avunda per realisar quella.
Jau sun in zic gnervus, sche jau sent ch’insatge na va betg vinavant.