Siglir tar il cuntegn

Header

audio
Esther Putzi: «Jau sun in tip explosiv»
Or da Profil dals 20.03.2021.
laschar ir. Durada: 58:18 minutas.
cuntegn

Esther Putzi «Jau sun in tip explosiv»

Avant sis onns ha l'interprendidra Esther Putzi da Falera cumprà ensemen cun ses um la papetaria Maggi a Glion. Dapi lura passentan els quasi 24 uras ensemen.

Esser interprendidra vul dir ch’ins surpiglia fitg blera responsabladad.
Autur: Esther Putziinterprendidra
Eshter Putzi en sia papetaria.
Legenda: Esther Putzi en sia papetaria Maggi a Glion. RTR, Claudia Cathomen

Esther Putzi è creschida si a Cumbel en Val Lumnezia. Sia gronda passiun è il sport, en spezial l’ir cun skis. Quella passiun ha tschiffà ella gia sco matta. Ma professiunalmain n’è ella betg ida la via dal sport, mabain fatg in emprendissadi da gidantra da medi.

Suenter avair lavurà en il mund da las finanzas, ha ella cumprà cun ses um la papetaria Maggi a Glion. Ina da las sfidas per l’interprendidra è la birocrazia sco Esther Putzi raquinta en il Profil:

La birocrazia è enorma ozendi. E per ch’i haja la fin dal mais anc in plus en cassa, ston ins calcular bain.
Autur: Esther Putzipapetaria Maggi a Glion

Ton pli giauda Esther Putzi il temp liber cun far sport. Quai dat ad ella energia. Saja quai cun ir cun skis, ir cun velo, dar tennis, viandar, ir cun snowboard ni far passlung.

Ed ina nova passiun ch’è vegnida latiers tras la papetaria Maggi – è da leger e da sa fatschentar cun cudeschs.

Esther Putzi mussa in turnister da scola.
Legenda: Esther Putzi mussa in turnister da scola. RTR, Claudia Cathomen

RTR Profil 09:00

Artitgels legids il pli savens

Scrollar a sanestra Scrollar a dretga