Siglir tar il cuntegn

Header

audio
Margarita Gaudenz: «Tschintg dis n’hai jau betg survegnì da mangiar»
Or da Profil dals 10.04.2021. Maletg: RTR
laschar ir. Durada: 59 minutas 21 Secundas.
cuntegn

Margarita Gaudenz «Tschintg dis n’hai jau betg survegnì da mangiar»

Margarita Gaudenz è seguida cun 21 onns a si’amur en Brasilia – ed è vegnida en ina dictatura brutala. Quai era l’onn 1969. La giuvna da Scuol è s'engaschada per la democrazia ed è vegnida en praschun. Ina praschun brasiliana. Anc oz trembla sia vusch sch’ella quinta da quests dus mais plain tema e desperaziun.

Cur ch'ils militars èn vegnids per mai, hai jau pensà: Oz è il di ch'jau mor.
Autur: Margarita Gaudenz

Tuttina è Margarita Gaudenz restada a Salvador en Brasilia ed in nov chapitel ha cumenzà. Ella è daventada ustiera. E quai dad in dals restaurants ils pli enconuschents da la Brasilia da quest temps. Il «Berro d’Agua» è daventà il lieu d'inscunter per artists ed intellectualas. Ma in di ha Margarita Gaudenz remartgà, che dumbrar filets na portia betg satisfacziun ad ella.

Las ustarias en Brasilia serran pir cur che l'ultim giast e partì. Savens eran nus là fin las tschintg a bun'ura.
Autur: Margarita Gaudenz

Ed uschia ha ella chattà ina terza passiun, il Jin Shin Jyutsu. Cun questa terapia giapunaisa lavura ella fin il di dad oz. Co quai funcziuna e pertge ch’ella è turnada avant dus onns, suenter 50 onns en Brasilia, enavos en Engiadina, tut quai raquinta ella en quest Profil.

RTR Profil 09:00

Artitgels legids il pli savens