Il cusseglier guvernativ Mario Cavigelli ha stuì emprender rumantsch. E quai malgrà che ses bab era in rumantsch. Ma lez n'ha betg discurrì rumantsch cun ses uffants.
Il 2021 è il politicher da Domat per la terza giada president da la regenza grischuna. Tenor el dovran politichers in zic ina pel dira, cunzunt er en vista a las medias socialas, nua che la critica è magari dira.
Quai fa part dal job.
Ma Mario Cavigelli ha er gia gì motiv d’avair tema, lura cura ch’ins ha stuì sajettar l’urs M13.
Durant quel temp hai jau survegnì protecziun da la Polizia chantunala.
Ma da principi è Mario Cavigelli in politicher che vesa il positiv, ch’ha ina gronda confidenza en ils auters. Ma er el ha gia gì grevs muments en sia vita, quai durant il temp ch’el è stà per l’emprima giada president da la regenza Grischuna. Lura è sia dunna vegnida grevamain malsauna e suenter mez onn morta da cancer.
