Dapi il 1999 maina Marisa Feuerstein ses agen affar d’architectura a Scuol cun tschintg emploiads. Cumenzà sco patruna aveva la dunna da 54 onns gist durant il temp da recessiun. Ultra da quai ha ella gì da chattar la dretga furma per s’etablir en ina branscha che vegn anc adina dominada dals umens.
Auts e bass
Adina puspè ha il sectur da construcziun passentà buns e main buns temps. Sper la limitaziun da segundas abitaziuns, haja er la pandemia influenzà il boom actual tar las immobiglias. La sfida da manar in affar ed educar il medem mument ina figlia, haja manà l’architecta pliras giadas a ses cunfins. Dentant na s’enricla Marisa Feuerstein gnanc ina minuta da sia decisiun da vulair famiglia.
Daventar mamma è insatge dal pli bel ch'i dat.
En il Profil raquinta la dunna sportiva davart las sfidas e la gronda responsabladad ch’ella porta envers ses emploiads, ma er quant ferm che sia vita vegn a sa midar ils proxims mais.