Profil - Alice Caduff – «S'occupar da problems causa problems»

Ella ha in interess spezial per uffants che valan sco difficils, per sia instrucziun dovra ella mintgatant er agid da Harry Potter e ses temp liber passenta ella en viadi, sin muntognas cun il velo cun cun raiver. U en in project umanitar a Lesbos – sper il champ da persunas en fugia a Moria.

Alice Caduff, oriunda da Cumbel, è pedagoga curativa en il chantun da Berna. Ella raquinta, tge che èn las schanzas dal homeschooling durant il temp dal coronavirus, pertge ch'ella è dischillusa da la politica europeica e co ch'ella è daventada per cas in star da cursa da skis en il Peru.

Maletg 1 / 8

Legenda: Cun il bike è Alice Caduff bler en gir. MAD, Alice Caduff

Maletg 2 / 8

Legenda: Far sport è per ella essenzial en la vita. MAD, Alice Caduff

Maletg 3 / 8

Legenda: Era cura che Alice Caduff va a muntogna, na tschertga ella betg adina la ruta la pli simpla. Basta ch'i va a munt... MAD, Alice Caduff

Maletg 4 / 8

Legenda: ... il pli gugent sitppischem. Sch'ella è vi dal raiver, n'auda ella pli nagut. Concentraziun totala. MAD, Alice Caduff

Maletg 5 / 8

Legenda: Durant sias trais emnas sco voluntaria tar il project «One happy family», ha ella emprendì d'enconuscher ina pluna glieud ch'è bloccada en in champ en Grezia... MAD, Alice Caduff

Maletg 6 / 8

Legenda: En il center da «One happy family» han las persunas en fugia chattà in mument paus. Quest onn è quest center ars giu. Raschun: incendiament. Tenor Alice Caduff n'è betg arsa be ina chaa, ma er in'idea. MAD, Alice Caduff

Maletg 7 / 8

Legenda: Alice Caduff di che sch'ins saja naschì en Lumnezia, sajan ins vegnì sin il mund cun chalzers da naiv vi dals pes. Ed uschia è ir cun skis ina gronda passiun dad ella. MAD, Alice Caduff

Maletg 8 / 8

Legenda: Cun ses um è ella era en gir sin glatschers cun ils skis. Qua avant paucs mais sin il Wildstrubel. MAD, Alice Caduff.