Ella lavuria gugent e bler di la Lumneziana che lavura en pensum parzial sin la partiziun da «Marketplace» da Ringier. Esser part da quest team che saja responsabel per il martgà online saja ina plazza captivanta e dinamica.
Jau hai gugent quest mund svelt, digital ed internaziunal.
Dasperas batta ses cor per sia atgna firma d'events ch'ella ha fundà avant quatter onns cun ina collega. Sco managera d'events organisescha ella nozzas, festas da firmas u festas privatas.
Vesair ils egls glischants da nos clients è per mai il pli bel vid mia lavur.
La dunna da 33 onns dat gas e na perda er betg la motivaziun en temps da corona.
