Creschi si è Roger Rominger cun sias trais soras en la Val Fex. Malgrà ch’el ha passentà in’uffanza entamez la natira cun bleras libertads, na vuleva el betg turnar anc ina giada a star a Fex Plattas. Cun ils onns s’ha quella tenuta puspè midada. Per pudair esser ses agen patrun, ha el surprendì cun sia dunna Martina la chasa paterna ed er la puraria.
Focus sin fuschina
Dapi in onn è sa diminuì il dumber dad animals sin il bain puril dals Romingers. Quai causa ch’il ferrer vul investir dapli temp en la producziun da cuntels da damast. Ina lavur che dovra temp ed inschign. Uss che sia dunna na lavura betg pli ordaifer la val, n’ha Roger Rominger era betg pli da tgirar sulet ils dus uffants.
La tgira da noss dus uffants sco um da chasa è stà per mai la pli gronda sfida da mia vita.
video
Made in Fex - Telesguard 23-06-2017
Or da RTR dals 20.03.2020.
laschar ir. Durada: 4 minutas 19 Secundas.