Siglir tar il cuntegn

Header

audio
«Rumantsch è ina lingua da cult»
Or da Profil dals 10.07.2021. Maletg: RTR / Claudia Cathomen
laschar ir. Durada: 57 minutas 41 Secundas.
cuntegn

Roman Cantieni «Rumantsch è ina lingua da cult»

I saja cool, sch’ins saja en la Bassa, vesia en las fatschas da la glieud ed audia a dir: «uschè cool, quel sa rumantsch». Quai di Roman Cantieni da Glion en il Profil. A partir da l’avust 2021 è el il nov manader da la scola mercantila e da la scola media spezialisada a Glion.

Nagins problems n'ha il giurist er betg da dar tiers ch’el laschava encrescher per il Grischun. Suenter ses studi a Turitg e plirs onns a Berna ha el surpiglià ina lavur tar il chantun, in job betg uschè adattà per el, ma:

Il giavisch da turnar en il Grischun era pli grond, ch’ils dubis ch’il job na saja betg il meglier.
Autur: Roman Cantieni Jurist, scolast e manader da la scola mercantila a Glion

Dapi il 2014 lavura Roman Cantieni sco scolast a la scola mercantila e scola media spezialisada a Glion. El instruescha là dretg ed economia ed a partir da l’avust maina el la scola en in pensum da 50%.

Jau ma legrel da sviluppar questa scola, ch’ella restia ina scola attractiva per la regiun ed er per persunas da la Bassa.
Autur: Roman Cantieni Manader da la scola mercantila e scola spezialisada a Glion
Lavurs da fatschas en scola a Glion
Legenda: Lavurs da scolaras e scolars Exposiziun da lavur en zuler da la scola a Glion RTR Claudia Cathomen

Sper sia lavur per la scola s’engascha Roman Cantieni er politicamain. Avant paucas emnas ha el decidì da midar partida, dad ir da la PCD tar la PS.

Igl è gia daditg in problem per la PCD da chattar ina clera posiziun.
Autur: Roman Cantieni Deputà en il Cussegl grond

A l'um da 47 onns che fa er politica en il Cussegl grond han mancà cleras lingias e da savair en tge direcziun ch’ins vul politisar.

Cleras lingias ha el dentant tar ses grond hobi, il ballarait. El è iniziant e president dal Beachsportclub Surselva sco er president, suprastant, giugader e trenader tar Volley Surselva.

RTR Profil 09:00

Artitgels legids il pli savens