Siglir tar il cuntegn

Header

audio
Sin viadi cun Profil – cun Jessica Caprez
Or da Profil dals 04.07.2020.
laschar ir. Durada: 57:05 minutas.
cuntegn

Sin viadi cun Profil Jessica Caprez: «L'ir davent hai jau en mes gens»

Dapi passa 10 onns lavura Jessica Caprez en la branscha da viadis. En contact cun il mund da sgols, vacanzas e cudeschaziuns è la Sursilvana vegnida tras il radio. Per ina reportascha ha ella da sias uras fatg in'intervista ed è vegnida engaschada.

L' ir davent haja ella en ils gens, di la dunna plain temperament, ch'è creschida sia a Rabius cun ina mamma Spagnola. Schon da pitschen saja la famiglia ida mintga stad en vacanzas cun auto da Rabius enfin en la Galicia. Per ella e ses dus frars era quest viadi da 24 uras ina gronda aventura. Il gust da scuvrir il mund haja ella era anc dad in'autra passiun:

Mia amur per science-fiction è la culpa, ch'jau vuless ir a perscrutar noss planet.
Autur: Jessica Caprez

La dunna da 35 onns ha chattà en la branscha da viadis sia gronda passiun. Dastgar organisar e realisar il pli bel temp da l'onn dad ina persuna u dad ina famiglia, saja schon ina lavur ordvart bella. Enfin la naschientscha da sia figlia Sia Alexandra avant in onn ha ella manà il biro da viadis «Capricorn» a Glion. Uss lavura ella parzialmain sco cussegliadra da viadis. En il Profil giain cun l'experta da viadis da Rabius enturn il mund ed enavos sin il mises a Vuorz.

RTR Profil 09:00