Numerusas istorgias da sport èn vegnidas scrittas las ultimas emnas. Dad in debachel nunditg èsi per exempel vegnì discurrì en Germania. En Svizra hai dà l'emprim ina laudatio suenter il gieu encunter la Serbia, e mo paucs dis pli tard è la consternaziun stada gronda suenter la terrada en l'otgavelfinal encunter il Portugal.
Mintga turnier scriva questas istorgias magicas che restan nunemblidaivlas. Mo il campiunadi mundial en il Qatar è stà bler dapli che mo in turnier sportiv. Anc mai è in campiunadi mundial stà uschè en la critica sco quest’onn. Dretgs umans, morts sin ils plazzals dal campiunadi mundial, in lieu senza tradiziun da ballape - èn mo intgins chavazzins che mussan, tge ch’è tut vegnì crititgà.
Co èn questas quatter emnas da campiunadi mundial uss propi stadas? RTR prenda sut la marella las ultimas quatter emnas e dat era in sguard en il futur dal Qatar e da la Fifa:
Sut la marella:
La Fifa discurra uss puspè dal meglier turnier da tut il temp. Ma qua datti segir persunas che vesan quai auter. Tranter auter Nicolas Schnoz (26) da Turitg ch'è oriund a Rueun. Il passiunà ballapedist ha boicottà il campiunadi mundial, er sche quai n'è betg stà uschè simpel.
I na po betg esser che nus fans stuain star bun per questa merda che la Fifa fa.
Guido Tognoni è dapi onns in ferm criticher da la Fifa. Sco anteriur pledari da medias da la Fifa enconuscha el l'organisaziun ed uschia era ils process. Cun el dain in sguard sin il futur da la Fifa, ma er dal Qatar.
In campiunadi mundial dura quatter emnas – e durant quest temp na vegnan ins betg da midar las structuras d'in stadi.
Andreas Wieland è stà per RTR al puls dal campiunadi mundial. Suenter la Brasilia il 2014 e la Russia il 2018 è il campiunadi mundial en il Qatar stà ses terz sco redactur da RTR. Nus guardain enavos cun el sin ses temp en il Qatar. E naturalmain dain er in sguard enavant sin il final.
Per mai persunalmain èsi stà il pli bel e fascinant campiunadi mundial ch'jau hai visità.
Per far gust sin il final guardain era enavos sin finals legendars ch'èn restads en memoria a collavuraturs dad RTR.
Muments dal campiunadi mundial 2022
-
Bild 1 von 10. La Svizra suenter il gol da Xherdan Shaqiri encunter la Serbia. Bildquelle: Keystone.
-
Bild 2 von 10. Il statement politic da la Germania avant l'emprim gieu. Bildquelle: Keystone.
-
Bild 3 von 10. Il sidcorean Heung-min Son suenter la qualificaziun per ils otgavelfinals. Bildquelle: Keystone.
-
Bild 4 von 10. Harry Kane en il quartfinal suenter ch'el ha sajettà ses segund penalti encunter la Frantscha sur il gol. Bildquelle: Keystone.
-
Bild 5 von 10. La naziunala dal Maroc en il otgavelfinal suenter la victoria en la lutga da penaltis encunter la Spagna. Bildquelle: Keystone.
-
Bild 6 von 10. Gronda tristezza tar Cristiano Ronaldo suenter la terrada en il quartfinal encunter il Maroc. Bildquelle: Keystone.
-
Bild 7 von 10. Marquinhos suenter ch'el ha tutgà mo la pitga cun ses penalti decisiv encunter la Croazia. Bildquelle: Keystone.
-
Bild 8 von 10. Bleras emoziuns en il quartfinal tranter l'Argentina e l'Ollanda. Bildquelle: Keystone.
-
Bild 9 von 10. La naziunala dal Iran ha decis durant l'emprim gieu da na betg chantar il imni. Bildquelle: Keystone.
-
Bild 10 von 10. Ils fans da la Arabia Saudita suenter la victoria en l'emprim gieu encunter l'Argentina. Bildquelle: Keystone.
Tut ils campiuns mundials
| Onn | Campiun mundial | Finalist | Resultat |
|---|---|---|---|
| 1930 | Uruguai | Argentina | 4:2 |
| 1934 | Italia | Tschecoslovachia | 2:1 suenter prolungaziun |
| 1938 | Italia | Ungaria | 4:2 |
| 1950 | Uruguai | Brasilia | 2:1 |
| 1954 | Germania | Ungaria | 3:2 |
| 1958 | Brasilia | Svezia | 5:2 |
| 1962 | Brasilia | Tschecoslovachia | 3:1 |
| 1966 | Engalterra | Germania | 4:2 suenter prolungaziun |
| 1970 | Brasilia | Italia | 4:1 |
| 1974 | Germania | Ollanda | 2:1 |
| 1978 | Argentina | Ollanda | 3:1 suenter prolungaziun |
| 1982 | Italia | Germania | 3:1 |
| 1986 | Argentina | Germania | 3:2 |
| 1990 | Germania | Argentina | 1:0 |
| 1994 | Brasilia | Italia | 0:0 s.p. 3:2 suenter penaltis |
| 1998 | Frantscha | Brasilia | 3:0 |
| 2002 | Brasilia | Germania | 2:0 |
| 2006 | Italia | Frantscha | 1:1 s.p. 5:3 suenter penaltis |
| 2010 | Spagna | Ollanda | 1:0 suenter prolungaziun |
| 2014 | Germania | Argentina | 1:0 suenter prolungaziun |
| 2018 | Frantscha | Croazia | 4:2 |
| 2022 |