Djego Deflorin, u era enconuschent sco Sirius, ha publitgà ina nova Single. Il titel «Buc oz» ha la muntada da simplamain ina giada mo guardar sin sasez e da laschar tut ils auters problems da la vart.
Ch'ins fa in zic dad egoist, n'è betg cuntanschibel, metta il telefonin da la vart e guarda plitost ina giada be sin sa sez empè sin il rest dal mund.
Inspirà el hajan las situaziuns nua ch'el haja badà ch'el saja stà memia bler en las raits socialas ed è vegnì confruntà cun blers problems dad auters.
CD «VIVA» cun sis chanzuns
La fin dal mais da mars cumpara alura l'entira CD. Questa sa numna «VIVA» e consista da sis novas chanzuns. Ensemen cun in producent e cun il sustegn d'auters musicists haja Sirius pudì realisar sias ideas relativamain svelt.
Collavuraziuns datti era: Era quella giada datti ina collavuraziun tranter Sirius ed Aurelius.
Igl ha dà ina persuna che jau hai vulì sin la CD e quai è Aurelius. El è miu «bro», el ha stuì vegnir sin la CD. Senza na vai betg.
Ed en ina chanzun datti er anc ina collavuraziun cun la giuvna chantadura Svenja Tomaschett.
Finamiras
Il rappunz da Laax haja vulì mussar a sa sez ch'el possia far anc ina giada in pass enavon dapi l'ultima CD e da mussar a sa sez ch'el possia far anc meglier che l'ultima giada.
A mai èsi tuttina tge che capita cun quella CD, quants ch' i taidlan u quant bler success ch'ella ha. Jau sun 100% cuntent e quai è tut quai che jau vuleva.
Concerts vegnia era a dar: nua e cura n'è però anc betg cler.