Renate Reinbacher ha gia gì durant la gravidanza da sia figlia il sentiment che insatge na turna betg. Pir en la vegliadetgna da 14 onns han ins savì diagnostitgar il Prader-Willi-Sindrom tar la figlia Michaela.
Nossa figlia dovra sche pussibel adina las medemas persunas enturn sai e quai 24 uras al di.
Suenter ina odissea en differentas chasas spezialisadas e da tgira en tut il Grischun, viva la dunna da 28 onns a chasa en la tgira da la famiglia.
Ristgà il pass
Causa il coronavirus ha la dunna da 55 onns gì da midar cumplettamain sia lavur. Empè da vender viadis a clients tras l'agen biro da vacanzas, vendan ils Reinbachers uss burgers e capuns en lur nov bistro a Scuol – e quai cun success. Els han pudì profitar dals numerus giasts en Engiadina durant questa stad. Il biro da viadis exista anc, dentant na datti actualmain naginas dumondas.