La digitalisaziun gida enorm dad organisar il mintgadi. Sco scolasta po Rita Bearth uschia controllar ils pensums ed ella vesa nua ch’ils uffants dovran sustegn. Senza la digitalisaziun cun la quala ella e ses collegas pon individualisar ils process d’emprender, nua ch’els han la survista da las absenzas e la communicaziun cun ils geniturs na giessi betg.
Senza la digitalisaziun na fissi betg pussaivel da tegnair urden.
Da scolaras e scolars emprenda Rita Bearth fitg bler. Tranter auter co els van enturn cun conflicts ed il respect ch’els han in per l’auter. Oz il di saja pli impurtant d’emprender quellas chaussas perquai che quai è impurtant per l’entira societad, di Rita Bearth ch’è creschida si a Fuorns en la Val Medel en il profil dad RTR.
Da sia uffanza ha ella bellas regurdientschas. E solitaria na sentiva ella mai, era sche Fuorns ed insumma l’entira Val Medel ha be paucs abitants. Tge ch’ella fascheva e fa anc oz betg gugent è far fain, er sch’ella è creschida si en ina famiglia da purs.
In di perfetg è sch’jau poss durmir ora la damaun.