Durant questas notgs sontgas è tut pli integral, di la psicoterapeuta Alice Kühne da Scuol. I na vegn betg be reflectà cun il tgau, igl è in’experientscha cun corp ed olma. «Cun reflectar e laschar passar l’onn vegl en cuminanza han ins perditgas da quai ch’è stà. E cun prender temp per muments che collian vegn ins puspè pli datiers da sasez e cun auters, cun il ritmus natiral e forsa er cun la natira.» Rituals gidan da chattar sasez. Er da vesair il pli grond.
Jau hai fitg gugent quels dis pervia da l’atmosfera speziala.
Tut è in zic pli privat ed Alice Kühne giauda er las bleras glischs. «Jau hai er gugent quel temp per studegiar suenter. Co è l’onn passà stà ed avess jau gugent midà tschertas chaussas?»
Per mai èsi impurtant da reducir il tempo e studegiar suenter. E da scriver si tge ch’è stà bun e tge main ed er tge ch’ha mancà quest onn e tge ch’jau vuless midar.