Atgnamain fissi il pli simpel da simplamain guardar il simpel video sura simplamain da la simpla entschatta simplamain fin la fin. Ma sche Vus legiais gia quest text ... lura na gida simplamain nagut. Simplamain leger vinavant!
Las cumissiuns
I dat otg cumissiuns permanentas. Quai èn las cumissiuns che stattan en il coc da la lavur parlamentara dal Cussegl grond.
Betg numnadas en il video èn las cumissiuns «ad hoc» ch'il parlament Grischun creescha cura ch'i dovra ellas eba «ad hoc». Quai èn per regla cumissiuns che sa fatschentan u cun fusiuns da vischnancas u cun projects da construcziun pli gronds dal chantun.
Quels che dumondan las festas
Consistent da las presidentas e dals presidents da las fracziuns e da la presidenta ed il vicepresident dal Cussegl Grond fan els quai ch'ins numna «agenda setting».
Tar il parlament grischun saja quai dentant main in process politic che in tecnic. Sche l'administraziun è pronta cun ina proposta d'ina lescha, lura vegn quella tractandada e betg cura ch'i para e plascha a la conferenza da presidentas e presidents. En il Grischun dettia tenor infurmaziuns internas ina fitg buna collavuraziun tranter regenza e parlament.
E tge custa quai?
Simplamain guardar il video. Bitte! Jau na poss simplamain betg pli scriver x-in simpel text. Quai faschess l'IA sobiso bler meglier. Also pertge hai JAU anc far quai. pffft.
Da Domat e malcuntent?
Ok. Questa giada n'hai puspè gì en nagut da Domat (u sco ins di a Cuira: TGE CLETG!). Era sch'ins avess natiralmain pudì metter en insatge.
Per exempel avessan nus gì planisà dad anc ir en la profunditad tar las dumondas en il Cussegl Grond. Quellas existan numnadamain sco palpiris che van enturn en sala gronda dal Cussegl Grond durant las sessiuns. Mintgina u mintgin che sustegna ina dumonda po segnar quest palpiri. Uschia datti lura in palpiri cun si la dumonda e la fin ina glista da nums cumenzà cun la emprima sutsegnada u l'emprim sutsegnà (quella u quel che tschenta la dumonda e lascha ir il palpiri per la sala enturn) plus anc da quai da 30 - 70 ulteriuras signaturas. Las inas dumondas rimnan in bun tant dapli signaturas che autras.
Il gag fiss uss stà d'inventar ina dumonda per «stritgar Domat or dal register da vairas vischnancas dal Grischun». E quella dumonda avess survegnì 121 suttascripziuns. Beatrice Baselgia avess gist sezza suttascrit DUAS giadas.
Hahahaha.
Ma eba. Betg fatg il tema e betg fatg il gag. Per mimimi da Domat: Cliccar qua.
La satira dat in'egliada frecha sin temas impurtants en nossa societad.
La registraziun en cuschina vegn sustegnida da: Teddy!