PENG!
Schluss cun da quels spruchs. RTR – La show tracta l’inclusiun da persunas cun impediment en il mund da la lavur. Ina chaussa che dovra sco i para anc sez ina massa lavur.
Dapi passa 20 onns sustegn il chantun – da lescha anora – interpresas che engaschan persunas cun impediments. Il sustegn è da natira finanziala e cumpiglia era la cussegliaziun. Quai para da funcziunar detg bain. Il dumber da plazzas integrativas crescha relativamain pli fitg che quel da tuttas plazzas en il Grischun.
Mo basta quai?
En Germania ston interpresas cun almain 20 emploiadas ed emploiads engaschar persunas cun impediments. Sche betg almain 5% dal persunal sa cumpona da persunas cun impediment han las interpresas da pajar ina multa. Quest sistem resulta en 2.5% da tuts emploiads en Germania ch’èn persunas cun impediments.
En Grischun massiv pli pauc
Cumpareglià cun las cifras grischunas è l’inclusiun da persunas cun impediment en la fiera da lavur en Germania in grond success. Da las 103'723 plazzas grischunas èn tenor indicaziuns da l’Uffizi dal servetsch social il 2022 mo 62 stadas plazzas integrativas, pia plazzas en l’emprima fiera da lavur per persunas cun impediment, tge che correspunda a 0.06%.
Per cuntanscher ils 2.5% inclusiun sco en Germania stuess pia anc capitar ina u l’autra chaussa.
1 rap l’ura
Tenor in studi dal 2019 datti en lavuratoris protegids en Svizra per part pajas da mo 1 rap l’ura. Da quellas pajas vegnan pajadas da lavuratoris che produceschan plitost occupaziun per lur lavureras e lavurers che products che vegnan vendids. Da principi duessan ils lavuratoris lura dar nagina paja als emploiads. Las pajas han numnadamain da vegnir finanziadas dal retgav da products ni servetschs vendids dals lavuratoris. Ma era tar lavuratoris che vendan era insatge n’èn las pajas betg autas. Il Plankis a Cuira che manischescha in bain puril e venda ils products da là ha per exempel ina paja mediana da CHF 3.10 l’ura cun in spectrum da tranter ca CHF 2 e CHF 10 l’ura.
Ed uss clic sin il VIDEO sura!
Danor, sche Vus fissas da Domat, lura scrivai Vossa reclamaziun per plaschair sin lashow@rtr.ch
Grazia.
Ed uss: CLICCAR SIN IL VIDEO!!!!
Funtaunas
- Tagesschau.de, 19.02.2022
- Berliner Zeitung 07.09.2022
- Die ZEIT online, 16.02.2022
- Der Spiegel, 03.12.2022
- Blick, 01.12.2022
- Studi «Arbeitsbedingungen in Werkstätten für Menschen mit Behinderung»
- Blick, 30.12.2022
- RTS, Forum, 20.01.2023
- Malick Reinhard, Twitter, 16.01.2023
- N-TV, 12.03.2020
- Video Plankis
- Video Oliver Kahn, Youtube channel FC Bayern München
- DFB Frauen / Commerzbank campagna 2019
- Deutsche Welle, Deutschlands heikler Umgang mit Behinderten-Werkstätten, 21.03.2021
- Plazzas integrativas, purtret, Pro Infirmis, Uffizi dal servetsch social Grischun, Dreamteam Vision
- Lescha tudestga davart inclusiun e plazzas da lavur
- Benedikt Hassler, Ambivalenz der Wiedereingliederung, in Schriften zur Sozialen Frage, Seismo Verlag, 2021
- Lescha davart l'integraziun sociala e professiunala da persunas cun impediment
- Lescha tudestga per plazzas inclusivas
- Statistisches Bundesamt Deutschland
- Raport d'inclusiun Germania 2022, Handelsblatt Research institute, Aktion Mensch
- Spiegel.de 03.12.2022
