«Proxima fermada: Fin d'emna» sa numna in'emissiun satirica da RTR. Intginas persunas enconuschentas s’inscuntran en il tren e laschan repassar l'ultim mais. Suenter quatter onns e mez arriva il tren uss a sia staziun finala.
Durant quatter onns a mez han Flurin Clalüna e Gian Carlo Candinas empruvà da divertì il public dad RTR en lur tren da parodias. En tut han els realisà 53 emissiuns e parodà var 70 differentas persunas. Quai davent da politichers e politicras, musicists, sportists fin tar persunas ch'èn (u sa sentan) impurtantas.
Sche ina ni l’auter ha magari dà ina risada ils ultims onns durant tadlar l’emissiun avain nus ademplì noss pensum.
Suenter bleras risadas durant registraziuns han els dus decis da trametter en pensiun il tren da satira. Quai ha per ina motivs da temp, per l'autra cun il setting da l'emissiun ch'è plaunet raquintà a fin. Ils audios restan dentant online per tadlar.
Natiralmain han ils dus redactur gì favurits, pia persunas ch’els han imità spezialmain gugent durant ils ultims onns. Per Flurin Clalüna è per exempel Clau Scherrer adina stà in gaudi e Gian Carlo Candinas ha giudì fitg da far parodias da Dumeni Tomaschett. Interessant è che omadus protagonists èn da Trun.
