Cun vegnir avant prest 20 onns en la vischnanca da Salouf sco chanzlista ha ella er chattà l’amur en il lieu. La mamma da trais mattas s'engascha ferm per l'egualitad dad um e dunna. Quai saja er stà il motiv per surpigliar il presidi da las dunnas da l'Allianza dal Center Grischun. Avant in onn ha la dunna oriunda da Savognin candidà per il Cussegl grond – per sulettamain 11 vuschs n'ha la via dentant betg manà la Surmirana en il parlament chantunal.
Ma l‘interess e l’engaschi politic è restà. Ed era l’interess per dumondas da famiglia e da las dunnas, quel saja gia baud en sia vita stà preschent. Ella s’engascha en la politica cun l’optica da las dunnas ed uschia saja ella «gea ina feminista». En il Profil raquinta Sandra Baltermia-Guetg dentant er da ses viadis, e pertge che New York plascha atgnamain meglier ad ella ch’esser ad acla. E tge ch'ella midass sch'ella fiss la regina dal Grischun – u apunto er betg.