Il mund dal gimnasi n’è betg stà quai che Sascha Weidner vuleva. L’Engiadinais ch'è creschì si a Zuoz, ha perquai finì anticipadamain ses temp a la scola media. Quai per far in giarsunadi sco polimecanist a Scuol. La via ha finalmain tuttina manà l’um da 37 onns a la Scola auta da Turitg.
Sch’insatge m’interessescha, alura vi jau savair il daco e quai en mintga detagl.
Dapi 14 onns lavura Sascha Weidner a l’Universitad da Turitg sco manader da la partiziun tecnica a l’institut da biochemia. Sia famiglia cun dus uffants viva dentant a S-chanf, uschia ch’el pendulescha mintgamai tranter l’Engiadina e Turitg.
Tranter auter è er la producziun additiva in champ ch’el ha gidà a sviluppar en l’ufficina da l’Universitad da Turitg. Ils products èn fitg multifars:
Impressiuns ord il mund da Sascha Weidner
1 / 9
Legenda:
Ina replicaziun or da datas da radiologia per in chau da saurier...
MAD, Sascha Weidner
2 / 9
Legenda:
... u per segments d'in model topologic.
MAD, Sascha Weidner
3 / 9
Legenda:
Las lavurs en il labor da manufactura additiva pretendan auta concentraziun.
MAD, Sascha Weidner
4 / 9
Legenda:
Er la roda da manischar dal «Bobbycar» ha il bab reparà per la figlia.
MAD, Sascha Weidner
5 / 9
Legenda:
Sascha Weidner cun in model d'in batschigl per preparaziuns d'operaziuns.
MAD, Sascha Weidner
6 / 9
Legenda:
Sia lavur cumpiglia er la calibraziun d'optica per in telescop
MAD, Sascha Weidner
7 / 9
Legenda:
Er structuras d'avainas d'in tscharvè èn vegnidas fatgas cun la producziun adittiva a l'Universitad da Turitg.
MAD, Sascha Weidner
8 / 9
Legenda:
Sascha Weidner durant sia lavur en il labor da manufactura adittiva.
MAD, Sascha Weidner
9 / 9
Legenda:
En ses temp liber è l'Engiadinais il pli gugent sin pista cun sia aissa.
MAD, Sascha Weidner
En il Profil raquinta l'Engiadinais dapli da sias ambiziuns, siemis e sfidas ed er dal midament radical che spetga Sascha Weidner questa primavaira.
