Siglir tar il cuntegn
cuntegn

Sin il viv – 25 onns Impuls Atmosfera famigliara en stiva a Schlarigna

Dumenic Andry, Sara Francesca Hermann, Bettina Secchi, Martin Cantieni e la moderatura Flurina Badel en stiva a Schlarigna.
Legenda: Dumenic Andry, Sara Francesca Hermann, Bettina Secchi, Martin Cantieni e la moderatura Flurina Badel en stiva a Schlarigna. RTR, Jérémie Sarbach

La sisavla prelecziun da «Sin il viv!», la turnea da lecturas per festivar il giubileum da 25 onns da l'emissiun Impuls dal Radio Rumantsch, è stada ordvart famigliara!

Dumengia ils 7 d’october 2018 è «Sin il viv!» sa fermà en la bella stiva da Riet e Romana Ganzoni a Schlarigna. Dumenic Andry, Bettina Secchi, Sara Francesca Hermann e Martin Cantieni han legì «live» impuls o schon emess al radio durant ils ultims onns o lura texts scrits bel ed aposta per la prelecziun en stiva engiadinaisa.

L'autura Bettina Secchi ha raquintà da chasas engiadinaisas e da sias emprimas regurdanzas en quellas:

Il scriptur Dumenic Andry ha envidà al public da vegnir cun el en ina stiva che Alberto Giaccometti ha malegià:

Sara Francesca Hermann ha scrit e prelegì in impuls davart ina inziativa ch'è stada da vuschar avant in pèr mais e aveva tractà la plurilinguitad er en l'Engiadin'Ota:

Da l'autur sursilvan Martin Cantieni ha il public pudì emprender la differenza tranter "medium-rare" e "well-done" ed anc in tric per tener endament tiers - in impuls extra post-chatscha: