Siglir tar il cuntegn

Sin il viv – 25 onns Impuls En garascha a Sedrun

Susi Rothmund, Jürg Gautschi, Leo Tuor e Gianna Olinda Cadonau han legì vegls e novischems impuls a l'emprima lectura da la turnea «Sin il Viv!» dumengia ils 28 da schaner 2018.

Per il giubileum da 25 onns Impuls preschenta RTR ensemen cun la Lia Rumantscha la turnea da lectura «Sin il viv!» ed envidan a tadlar impuls prelegids live là nua ch’ils impuls vegnan uschiglio era tadlads. En lieus dal mintgadi da las audituras e dals auditurs da radio. Pia en stivas e stallas, en lavuratoris ed en ierts. Mintgamai quatter auturas ed auturs prelegian novischems impuls anc mai publitgads, ma era impuls ch’èn vegnids scrits gia avant onns aposta per l'emissiun Impuls dal Radio Rumantsch.