«Jau sun e rest en il cor ina da la PPS grischuna», di Barbara Janom Steiner cun vusch franca. La presidenta dal Cussegl da la Banca naziunala svizra (BNS) ed anteriura cussegliera guvernativa dal Grischun ha purtà blers chapels durant sia carriera. Insatge è dentant restà: sia persvasiun politica che caracterisescha ella anc oz.
En il videocast «50-50» discurra ella da sias ragischs, da sias valurs e da sia vista da la Svizra – e dat invistas en ina vita marcada da responsabladad e da princips.
Dal cussegl guvernativ al cussegl da banca
Dapi l'onn 2019 maina Janom Steiner il cussegl da banca da la BNS e porta uschia responsabladad per ina da las instituziuns las pli impurtantas dal pajais.
Per ses mandat da 40% tar la Banca naziunala svizra gudogna Janom Steiner var 170'000 francs. «La Banca naziunala è ina instituziun fitg impurtanta per tut la Svizra saja quai per la populaziun u per l'economia», uschia di Janom Steiner.
Las decisiuns da la politica monetara prendan ils experts da la banca – quai è er bun uschia.
En quest connex vesa ella sia incumbensa surtut en l'elavuraziun da directivas strategicas e da survegliar la gestiun. «Las decisiuns da la politica monetara prendan ils experts da la banca – quai è er bun uschia.»
La politica d'energia sco schanza per il Grischun
Ultra da sia activitad tar la Banca naziunala è Janom Steiner er presidenta dal cussegl administrativ da la Repower. Spezialmain a cor stat ad ella la politica d'energia en ses chantun d'origin Grischun.
In dals temas ch'occupa, è la scadenza da las concessiuns da la forza idraulica. «La scadenza da las concessiuns da la forza idraulica ves jau sco ina gronda schanza per noss chantun ed er per nossas vischnancas», di ella. «Nus stuain profitar da questa chaschun per mantegnair ina creaziun da valur en la regiun.»
10 dumondas curtas
Scuol u Cuira? Scuol.
Pertge cumenzà la carriera politica: senn da responsabladad u plaschair? 50:50.
Ir en pensiun u lavurar vinavant? Tge è pensiun? Lavurar vinavant.
CS u UBS? UBS.
Avair pazienza u far tempo? Far tempo.
Emancipaziun: cuntanschì las finamiras ubain anc ina lunga via? Anc ina lunga via.
Il Center u Partida burgais-democratica PBD? PBD.
Partida populara svizra PPS u Partida liberaldemocratica svizra PLD? Partida populara svizra.
Auto electric u auto cun benzin? Auto cun benzin.
En la vita privata: spargnar u dar ora raps? Spargnar.
«50:50» – il videocast communabel da Somedia e RTR
Somedia e Radiotelevisiun Svizra Rumantscha RTR porschan cun il format da talk «50:50» in product communabel. Il videocast vul promover mintga mais discurs approfundads cun represchentantas e represchentants da l'economia, da la politica e da la societad.
«50:50» – der gemeinsame Videocast von RTR und Somedia
Somedia und Radiotelevisiun Svizra Rumantscha RTR präsentieren mit dem Talkformat «50:50» ein gemeinsames Medienprodukt. Der Videocast zielt darauf ab, monatlich vertiefende Gespräche mit Vertretern aus Wirtschaft, Politik und Gesellschaft zu fördern.
Dapli 50:50
Weshalb der Name «50:50»?
- Gleichgewicht und Diversität: Der Name betont das Bemühen, eine ausgewogene und diverse Gästeliste zu präsentieren, um eine breite Palette von Stimmen und Erfahrungen zu repräsentieren.
- Einfachheit und Einprägsamkeit: Ein einfacher und klarer Name wie «50:50» ist leicht zu merken und vermittelt direkt die Grundidee des Podcasts, ohne viel Erklärung zu erfordern.
- Symbol für Fairness: Das Verhältnis von 50:50 wird oft als Symbol für Fairness und Gleichberechtigung verwendet, was gut zu den Zielen des Podcasts passen könnte.
Pertge il num «50:50»?
- Equiliber e diversitad: il num dal videocast accentuescha las stentas da preschentar ina selecziun da giasts equilibrada e diversa per represchentar ina paletta vasta da chaus e persunalitads.
- Simplicitad e clerezza: In num simpel e chapibel sco «50:50» associescha directamain l'idea fundamentala dal podcast, senza stuair declerar bler dapli.
- Simbol da fairness: La relaziun da 50:50 vegn duvrada savens sco simbol per fairness ed egualitad – quai che correspunda bain er a las finamiras dal podcast.