Siglir tar il cuntegn

Header

audio
Teater da Ferdinand von Schirach
Or da Vita e cretta dals 09.09.2022.
laschar ir. Durada: 52 minutas 56 Secundas.
cuntegn

Teater davart suicidi assistì A tgi tutga nossa vita?

En in cussegl d’etica fictiv vegnan discutadas dumondas eticas, moralas, teologas ma er giuridicas e medicinalas.

Dastgain nus gidar a murir ad ina persuna sauna? Quai la dumonda centrala dal toc da teater «Gott». L’autur e giurist Ferdinand von Schirach è Tudestg. Per las tribunas en il Grischun è il teater vegnì adattà a la situaziun giuridica en Svizra.

Ina media dastga gidar da far suicidi. Ma duai ella propi? È l’agid da la media da far suicidi er endretg tar ina persuna sauna?
Autur: Citad or dal toc da teater «Gott»
Purtret da la reschissura Barbara David Brüesch
Legenda: Barbara David Brüesch, reschissura RTR

La rolla da la Elisabeth Gärtner che giavischa da pudair murir, dat Heidi Maria Glössner. Assistenza al suicidi è in tema cuntravers, in tema sin il qual i na dat betg ina resposta dretga u fallada. Quai vesa er l’actura uschia. Ella saja perplexa. Sa chapescha ch’ella haja il dretg sin sia atgna mort.

Sa chapescha hai jau il dretg sin mia atgna mort. Gist uschè sco jau hai il dretg sin mia atgna vita. Ma uss cun tadlar tut quels arguments, sun jau malsegira.
Autur: Heidi Maria Glössner Actura

La cumissiun d’etica vegn cun arguments pro e contra, infurmescha, dat orientaziun. E suenter il teater ha il public en ina discussiun al podi la pussaivladad da far dumondas a spezialists.

Ma il davos pled ha il public. Lez dastga decider schebain Elisabeth Gärtner survegn il medicament per far suicidi u betg.

audio
A tgi tutga nossa vita?
ord Vita e cretta dals 09.09.2022.
laschar ir. Durada: 13 minutas 8 Secundas.
Purtret da Tonia Maria Zindel e Heidi Maria Glössner
Legenda: Tonia Maria Zindel e Heidi Maria Glössner RTR

RTR Vita e cretta 08:00

Artitgels legids il pli savens

Scrollar a sanestra Scrollar a dretga