Ins sto far tut cun respect.
Tabu per ella è da far spruhs be per avair ina pointa u per rir ora insatgi. Cunzunt per temas heiclis dovri blera retschertga. Po esser che sia figura Helga Schneider cumpareglia chaussas ch’han da principi da far nagut ina cun l’autra, i po dar gieus da pleds per manar insatge ad absurdum. Pront ch’ins fa comica ston ins lavurar ad absurdum, di Regula Esposito. E sch’ins prenda in tema en bucca ston ins savair da tge ch’ins discurra e savair nua ch’ils cunfins èn.
Retschertga è in tema central per esser libra en l’art.
Era il tema religiun porta Regula Esposito adina puspè sin tribuna. Comicras diverteschan il public. Ma ella sco persuna politica emprova da far quai uschia ch’ella dat impuls da reflectar. Per ella è quai in stuair dad avrir ils egls al public e da dar ad el la pussaivladad da vesair in problem da tut in’autra vart.