Il rumantsch n’è betg il linguatg ch’jau sai il meglier, ma quel che stat il pli fitg a cor.
Igl è ina spezia d’amur per il rumantsch. Igl è in sa sentir bain che s’exprima cun s’engaschar per la lingua.
Bernard Cathomas ha inizià il rumantsch grischun. Quel è vegnì creà, per ch’il rumantsch possia subsister, per ch’il rumantsch en tut sias furmas saja pli preschent. Bernard Cathomas ha plaschair che questa lingua fa ragischs. Dapi che nus avain il rumantsch grischun, discurran bleras e blers pli conscientamain rumantsch en lur vitg, di el.
Ins ha survegnì pli gugent l’agen rumantsch ed il rumantsch grischun ha dà al rumantsch dapli preschientscha e visibilitad.
Per Bernard Cathomas è il rumantsch grischun connectà cun fitg bleras emoziuns e fitg bleras bellas regurdientschas, però era cun debattas, cun cumbats ed offensiuns.
Nua ch’i dat charezza datti er odi.
Il rumantsch grischun è in instrument per gidar l’entir rumantsch da subsister. E na betg per concurrenzar ni excluder insatgi.
Tuttas amurs èn engaschament, empatia, affecziun ed er in egl critic.